مدخل ,,
ندخل في الموضوع علطول احسن ,,
أكيد أكثركُم سمع عن العين و مصايبها و يمكن جربها
و يمكن بعضكم طفش من هالموضوع , لكن اذا صارت قدامك
فلازم يكون في شي يخليك تتكلم و تطلع القهر الي فيك من هالشي ..!!
واحد من الشباب , اسمه محمد , من أعز اخوياي
شرى موتر قبل أسبوعين تقريباً
ماشالله الموتر وش زينه
طبعاً الرجال متقطع من الفرحه , ماامداه يطلع من الوكاله
إلا و هو واقف قدام الباب يشربك و يدق يقولي انزل
و انزل و اباركله بالموتر و اقوله يعطيك خيره و يكفيك شره و و و الخ
طبعاً مايحتاج اقولكم اننا رحنا للشباب بزعمنا نسلم و الرجال يبي يوريهم الموتر
طبعا الكل اول مايشوفه يقول ماشالله و من هالكلام و يباركونله و كذا
و الوضع طبيعي الين الحين , طبعاً مع زيادة المدح قلنا شي عادي بما
إنه موتر حليو و الشباب فرحانينله
لكن الولد سبحان الله ..!! كان حاس بشي .!!
أول ما يركب الموتر يبي يروح الدوام والا شي يقعد يدعي و يقول
يارب أوصل المكان الي ابيه بالسلامه ..!!
طبعا شي غريب ..!! و يمشي الوضع , اليوم الأول و اليوم الثاني
اسبوع اسبوعين , إلين جا اليوم و اخوه ياخذ الموتر يبي يجيب اخته و عيالها ..!!
و على الدائري يلقى فلبيني قاعد يسوي اشتراك ..!! يخرب بيتك احد
يسوي إشتراك في الدائري ..! و بعد المخرج علطول بعد ..!!
الرجال يمشي و نزل مع المخرج إلا و تقابله السياره , طبعا ماقدر يتفاداها
و هيا الصدمه ..!! البنت جتها رضوض و جروح , و واحد من عيالها ضربات
في الراس و قبل شوي جاني خبر إنهم بينومونه الين مايتطمنون انه مافيه شي ..!!
خايفين من النزيف الداخلي و كذا ..!! و الثاني رضوض خفيفه , و الرجال الحمدلله
جروح و كذا ..!!
الموتر ,, تشليح
كلمت الولد , يقولي خلاص تشليح , اذا تصلح بيتصلح بنفس قيمته ..!!
و الفلبيني ماعنده تأمين ..!! هذا غير كفيله الي جا و قعد يهايط في مكان
الحادث يوم العسكري حط الغلط عليه 100 % و قعد يسوي مشاكل ..!!
الين ماجبناله واحد يتفاهم معه , واصل مع واصل يتفاهمون
و الدائري طبعاً مايحتاج , اللقافه في الشعب السعودي الكريم
الدائري عشان يروحونله ياخذون البنت و عيالها إضطرو يمشون على الرصيف ..!!
زحمه و الي يتفرجون و اللي والي والي ,!
الولد قبل شوي كنت طالع معه و يقولي , والله كنت حاس ..!!
كنت اطلع من البيت للدوام كأني مسافر , اقعد ادعي اني اوصل بالسلامه .!!
قعدت اطيّب خاطره منا و منا و الولد ماشالله عليه متقبل الوضع مع إنه
رجّم الين ماحصّل هالموتر
طبعاً سالته ليه كان عندك كل هالخوف , قالي , إنت ماشفت أي أحد
نقابله كيف يتكلم و يقعد يمدح و من هالكلام ..!!
قلتله طيب عادي حتى انا مدحت موترك
قالي , لا , في بعضهم مايقولون ماشالله ولا شي .!!
طبعاً رحمته من جد
لو تشوفون وجهه اول يوم جاني فيه و هو يسوق الموتر
الله يعوضه إنشالله بالي احسن منه , و آخر الأخبار الي وصلتني
إن كفيل الفلبيني بينق الفلوس نق
مع إنه جاب واسطات الين بكره ..!!
صدق شين و قوي عين
وفوق كذا الفلبيني ماعنده تأمين
مخرج ,,
كثيرين منا نسمع هالأشياء الي تصير , و بعضنا صارتله شخصياً ..!!
نبي منكم الي صارتله هو أو أحد قريب منه , موب يجيبلي سوالف مجالس ام حصه
و ثاني شي , خططكم للقضاء على هالشي ,
يعني تبونه يكتب , ( هذا من فضل ربي ) على الموتر والا كيف
و العين حق و مذكوره في القرآن و ماحد ينكرها ..!!
حديث الرسول عليه أفضل الصلاة و أتم التسليم
( العين تدخل الرجل القبر وتدخل الجمل القدر )
و يقول عليه الصلاة و السلام
( لو هناك شئ سابق القدر لسبقته العين )</B>
* ماادري هالأحاديث من صحيح البخاري والا أحاديث ضعيفه ..!!
الله يكفيكم من شر العين و مصايبها ,
إنشالله الموضوع ما يروح التشليح , قصدي حذف
لكم