"شعرائنا ... تضامناً مع غزه "
تضامناً مع الشعب الفلسطيني ... واطفال غزه
شارك عدد من الشعراء بقصائد عده ...
وحضرنا منها
الشاعر فيصل الرياحي
الله أكبر الله أكبر عزه=الله أكبر يالعدو النازي
الله أكبر رددي ياغزه=الله أكبر فوق كيد الغازي
وين عز الأمه المعتزه=أمة عرجا على المعكازي
أرضنا وعقولنا مهتزه=والقلوب يهزها الهزازي
شاعر الصحراء فوزي بن مربح
ياضميري لا أتعبتك الفزه=وحد المعبود لا تنمازي
الله أكبر كل يوم وحزه=والله أكبر لجلها ننحازي
يالرياحي جز علمك جزه=ثم صوغ النص بالبروازي
أمتن عند المظاهر رزه=لا تحسب إن ضلعها متوازي
والطريق اللي خيالك قزه=يالرياحي يتعب القزازي
والجسم لا نشل بعضه عزه=أو يعالج بعضه المعتازي
والله أكبر رددي ياغزه=والله أكبر فوق كيد الغازي
ونحن بدورنا نشكر هؤلاء الشعراء
والموضوع مفتوح لمن يريد الرد أو المجاراه
والله أكبر فوق كيد الغازي
دعواتنا للشعب الفلسطيني واطفال غزه ... بالنصر على كيد الغازي
عيد بن عبيد
مع التحيه
آخر تعديل بواسطة عيد بن عبيد ، 31-12-2008 الساعة 03:05 PM.
|