[صالح بنيان]

[POEM="font="Tahoma,5,tomato,bold,normal" bkcolor="white" bkimage="" border="solid,4,crimson" type=0 line=0 align=center use=ex num="0,black""]إليا جهلت انشد ترى مابها عيب=لا تنخدع للجهل وأنت السبايب
عيب الفتى مافية شكٍ ولاريب=ترك الفروض وقطع وصل القرايب
العيب ترك ملزمات المواجيب=وتبع الردى ومجالسة كل خايب
فالتجربة برهان مافية تكذيب=واليا جهلت انشد من القوم شايب
ولا أقول يوجد شايب يعلم الغيب=الغيب يعلم به مدير الهبايب
لاشك يوجد شايب له تجاريب=كم لف بالدنيا و شاف العجايب
قد صارع الدنيا على الخبث والطيب=فالغوص وإلا في ظهور النجايب
بيض النواصي جبهته كلها شيب=من كثر ما مرت عليه المصايب[/POEM]

الموضوع الأصلي: اليا جهلت انشد (( رشيد الزلامي )) | | الكاتب: صالح بنيان | | المصدر: شبكة بني عبس