[ناصر خنيفر]

اخواني بني رشيد عبس اضع بين يديكم هذه القصيده الموجهه لسبع الضاري ارجو ان تحوز على رضاالجميع


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]سلام ياسبع الخلا سو الاضعان= سلامٍ احلا من حليب المغاتير
وحلا من الماء لالمس كبد عطشان= في لاهبٍ جوه سموم ومعاصير
ومن بعد هذا زان تنضيم الالحان = بالمفردات اللي تشوق الشواعر
احساس شاعر صاغ قوله ابرهان=نضمه ليا من عد يفرق عن الغير
ماجابهن سلفه من فلان وفلان= بنات فكره واردات ومصادير
اقولها ماهو تكبر وحقران = مثلي كثار ولاعلا الكل تقصير
وعنزتهن للي كما السيف شامان= ساس الرجال الطيبين المشاهير
اللي نظم شعره كما سهيل لابان= ايصور المعنى بالامثال تصوير
بالنضم و لايادخل كل ميدان =قطفه من الاثنين مثل النواوير
واليوم بحت السد مافيه كتمان= وكتم الهموم يفجر الصدر تفجير
الله من همن لفاني مسيان = يكفخ بصدري مثل مايكفخ الطير
وكل السبب باللي خذة جرد الازمان= جرد السنين تقصر العمر تقصير
وعندي خبر ماراح ياطير حوران= ماعاد يرجع لو نسوق الدنانير
لكن نظمنا المثايل على شان = ناخذ ونعطي مع وجيهن مسافير
الاوله بانت واللي مطلبن ثان =الاسم كامل ياصبي المخاسير
برسالةٍ تقطع صحاري وديان= عبر الاثير وسركم داخل البير
انا على عرفك شفوقن ولهان= خل الرموز المبهمات المعاسير
عطني جوابٍ فيه للاسم عنوان=اسم الاهل يوم انت في مهدك صغير
ونكان مالبا الطلب ذرب الايمان= وقفت مرسالي وكل المداوير
وحولتها في مابعد لبن عطوان = ريف الضيوف ومن لفوله مسايير
النا بموقعنا جماعه وصدقان = من بينهم شفنا معزه وتقدير
وسلم رعاك اللي خلق كل ماكان= وعس الخواتم لانتهت خاتمة خير


[/POEM]
ناصر خنيفر

الموضوع الأصلي: قصيده مرسله على السبع الضاري | | الكاتب: ناصر خنيفر | | المصدر: شبكة بني عبس