السلام عليكم
هذه مجرد محاوله لمجارات الاخ محمد الراشد والهدف منها التواصل
بالله قلي يابن قضعان وش فيني=عيت ثوانيٌّ لاتاصل دقايقها
وان قلت ابا احب قلبي مايخليني=مشاعري رزت بوجهي بيارقها
تمطر على الحضر والبداون مضميني=عذروبها ماتبل ارياق عاشقها
واليوم راحت ...ومافيني مكفيني=ولاني بقايل عسى الله لايوفقها
يحاول انسى لو ان الدمع في عيني=لو ان عيني مدامعها ...تضايقها
ضيدان وين الطريق الي يوديني؟=ترا ي تايه..وانا عندي حقايقها
تاهت سنين الغرام وتاهت سنيني=واضفت على الخد من عيني مدامعها
وصدوف وقتي من دلاله تقهويني=وفنجالها مر والعاشق يصارعها
وابديت سري لمن قلبه يهاديني=واقفى وسدي معه والروح شالعها
واحترت مدري يحفظه لين يدنيني=والا يبيحه وانا الاسرار جامعها
واضحيت اصفق على الفرقى بيديني=ورفرف حمام الحزن وادوى مسامعها
وقريت خط على الذكرى يوديني=وكتبت رد على الشكوى لبارعها
يامحمد الوقت ماله غير حديني=ومالك معه غير معشوقه وعاشقها
من جابهه يبتلش بالزين والشيني=والفاهم اللي صدوف الوقت سابقها
وان لاح لك من بروق الحب برقيني=دور على المزنه اللي شاح بارقها
وخلك كما الشامخ اللي ترقبه عيني=ودور على ضنونك مايضايقها
|
صـــــــــــــــــــــــــــــــح لسانك
وابشر بالرد
لاحقا
وبيض الله وجهك وفالك التوفيق