بسم الله الرحمن الرحيم
السلام عليكم ورحمة الله وبركاته
هذه المحاوره بين السبع الضاري و أبو عوجه
السبع الضاري
يااعوج الخشم مالك عندي ألا العذاب
انت من صلب رجل ومن ترايب مـره
مانت شبعان غير من الحصى والتراب
ميـر قـدام يـا عوجـان للمقبـره
أبو عوجه
اعوج الخشم عينه مثـل عيـن العقـاب
وانت لاشفت خشمه جاتك الغرغره ههههه
منت راعي عذاب ولانت راعـي عقـاب
انت مثـل الـذي حملـه يهـزع ظهـره
السبع الضاري
عينك المستديرة كنها عيـن داب
وأرقبتك الدقاقـه كنهـا مسطـره
قلبك اسود عليه مثل ريش الغراب
وانت واد ي عيار السيل مايحدره
أبوعوجه
اثرك بخيص في وصفه يابو فـم ونـاب
كل مايمرك الاعوج بيدك الشبره هههههه
قلبي ابيض لكن قلبـك عليـه الضبـاب
انت سبـع ٍيشـم الريـح مـع منخـره
السبع الضاري
النمل من جناحينـه يجيـه الذهـاب
وانت ذيلك يجرك خلف و اتجرجره
لو نبا نذكر اللي طال فيـه الغيـاب
ضاق صدر ك وشفت الميمنه ميسره
أبو عوجه
الله اللي كفل رزق النمل والذباب
وانت ياسبع خلك داخل المجحره
قمت اباعاتبك وثرك كلك عتاب
ابوخنجر لايطعن بطنك ابخنجره
السبع الضاري
لو ضما الذيب يروى من ضحاح السراب
كان ما سرحك لو فـي ثـلاث اعيـره
مير سحّب شليلك في السعه والرحـاب
واشتر اللـي تبيعـه واهدمـه واعمـره
أبو عوجه
لاتقلـد ذيابـه تحسبـنـك ذيــاب
وانت ابو زهره اللي فيك لون الزهره
تعرف انا نميز بالخطـاء والصـواب
منت قادر تشيل الضلع لـو تحفـره