[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاوره بين الشاعر شيكاوقير والشاعر الحر النداوي


شيكاوقير

الي يحط العسر مثل الين -- الناس والله مايطيعونه

ياصاحبي وين أتجاهك وين-- مدام شيكا يقلب اعيونه

الحر النداوي

ياصاحبي يالي تسد الدين-- البيت مايبنى بلا اركونه

أمشي على دربك ليا هالحين -- شفت الظبي لو طاحت اقرونه

شيكاوقير

الي يحط الهند مثل الصين-- غلطان لاكن لا تلومونه

هيا معي لين الصباح ايبين-- موترك لا تطلق دركسونه

الحر النداوي

والي يحط الخشم مثل العين -- ماجابته غير أم مجنونه

ترا المحاله والرشاء ثنتين -- مضمونة للبير مضمونه

شيكاوقير

الناس فبيوت الشعر والطين-- قبل النبي موسى وفرعونه

الحر هذا عطيته عين -- أن طار ما والله تشوفونه

الحر النداوي

ياصاحبي موترك فالتمرين -- أمس انتثر زيته ومدهونه

الحر يقرأ ورد ضد الشين -- ياجعل عينك معك مدفونه

شيكا

ياصاحبي مافيك شيءً زين -- تبيه مير اطيح من دونه

منت البطل عمروصلاح الدين -- أنت أبوفمَ طاحت اسنونه

الحر

ضاعت علوم النصر والتمكين -- ايشوفك العقاد بعيونه

ذنبي كثير ولا نقصلي ضين -- روح مراح امقيط ياعيونه


ودمتم بخير

الموضوع الأصلي: شيكاوقر و الحرالنداوي | | الكاتب: العالم الفلكي | | المصدر: شبكة بني عبس