اخوني وخواتي في هذا الصرح الشامخ اسعد الله اوقاتكم بكل خير
هديكم اول مشاركاتي ارجوان تحوز ولو على الشي القليل من ذوقكم الرفيع
كما ارجو من المشرفين تنسيق هذه القصيده لان المنسق هنا لم يعمل
يا مقر الطيب من يقدر يذمك=لـردي لوشـال سيفـه عارفينـه
والله انه لو ولـد ابـوك وامـك =كان مايعرف شمالـه مـن يمينـه
لايهمـك ياحزامـي لايهـمـك =بان صوته يـوم حفتـه السكينـه
ياجبـل بالله مـن يقـدر يزمـك =وانت من بين المنيفـات الرصينـه
ريحة البارود ريحك يوم شمـك =ماعليـك ولاتبـي تفهـم رطينـه
عيبه انـه لاوقـع شـره يعمـك =ان تركته غيض وان جيته غبينـه
لايهمـك لايهـمـك لايهـمـك =ياجبل وسط المنيفـات الرصينـه
يابيوت الشعر لا من جيت يمـك =افتحي بـاب الطـرب لا تغلقينـه
افتحي باب الشوارد لجل عمـك =وقلطيـه ورحبـي لا تزعليـنـه
وان هرج قولي صحيح وسلم فمك =لاعبيـه ولمحيلـه فـي حنيـنـه
الفحي باللي غطا صدرك وكمـك =واتركي من قـال لـك لاتغازلينـه
اعشقيه وقولي اني جيـت يمـك =رافقي من كـل عمـرك تعرفينـه
وابشري باللي مايرفع ضغط دمك =دايمٍ وانتي علـى راسـه وعينـه
يابيوت الشعر مثل اليـم جمـك= مايعبـرك غيـر دفـاع المكينـه
غبةٍ ماطب فيهـا اللـي تسمـك =لو يهوم ابها لكـن وينـه ووينـه
وان دخلها صار يخطيك ويخمك =لخذالـه جغمـةٍ تسمـع ونيـنـه
ينكشف ويبن لك هـرج التنمـك =ويتضح ما كان واضـع بالخزينـه
محمد سلمان الوهيداني