وربي لو تغيب سنين وياخذك الزمن عني
أببقى يابعد عمري على ذاك العهد وافي
ترى من جد حبيتك وزود الحب جنني
كتمت الحب في دري ولابد يظهر الخافي
رسمت أشواقي لك ورده أبيها توصلك مني
وابي منك تعطرها وتسقيها عسل صافي
يموووووت في حبك إنسان ويحيا إنسان ويغني
يقول أمووووت في حبك وياليته بعد كافي
ألا يالهفتي تكفين أبي أحياك أنا كلي
أعرف إن لهفتي عله عجزت ألقى لها شافي
أبكتب لك قصيدة حب وأسيغ ألحان وأغني
أببحر في بحور الشوق وهو يكسر لي مجدافي
أضم في داخلي عبرات وآهات تعذبني
أنقى من همومي هم وأشيله فوق الأكتافي
****وبالأخر أبطلب من :
تذكرني قبل ماأرحل وبعد مأرحل تذكرني
مثل طفل فقد أمه وهو حضنها غافي
تصدق لو تغيب سنين ويأخذك الزمن عني
تأكد وقت ما ترجع بتلقى حضني الدافي