السلام عليكم ورحمة الله وبركاته,,,
اخوتي رواد الابداع وعشاق الكلمة ,,,,
اضع بين ايديكم هذه القصيدة والتي اتمنى من العلي ان تنال على شيء من رضاكم,,,
جيووووش البوووح
[POEM="font="Tahoma,4,darkred,bold,normal" bkcolor="firebrick" bkimage="images/backgrounds/17.gif" border="double,4,darkred" type=1 line=1 align=center use=sp num="0,black""]من البارح وانا ضايـق اصـارع لوعـة الاحـزان.=من البارح وانا ساكت على جرح (ن) سكن صدري!!
تعبت وملنـي كلـي زفـرت وداخلـي حرمـان..=جيوش البـوح تجبرنـي وانـادي ياامـل عمـري!!
اصرخ وازعـج الليـل ويثـور بخافقـي بركـان..=صـدى صوتـي يعذبنـي واردد آه لـو يـدري!!
سجنتك ~حلم~ بعيوني جرحني الصمت والكتمان..=وصلت للمرحلـة صعبـة وكنـي عايـش بقبـري
تطيح دموع (ن) بعيني وينزف بالغـلا شريـان ..!!=طفح كيلي وانا صابر ومل الصبـر مـن صبـري!!
تحملت الضياع المر وعشت بكوكـب الحرمـان ...=اسامر حرف مشلول وقلم محـروق مـن جمـري!!
احب وما اقدر اواجه عليـل وخايـف وحيـران..=اعزي القلب في كلمة اخاف يطيـح انـا قـدري!!
بروق الحب في عينـي تلـوح وخافقـي عطشـان..=هماليلـك علـى غيـري وانـا متوفـي زهـري!!
اسرني الهم والضيقـة وصـار الـي الالـم عنـوان..=تعبت وضاقت اقلامي وانـا ارتبـك فـي شعـري!!
كبر جرحي وعذبني وانـا فـي ضامـري نيـران..=هدم سيف السكوت الحب ودمر بالخفـا قصـري!!
رفعت الصوت ((انا احبك)) ولاغيرك هويت انسان..=مشاعر ساكنـه ثـارت سببهـا حبـي العـذري !!
انين. الروح انـا احبـك ولـو قررتـي النسيـان..=احبك لو قسى قلبـك وعزمتـي علـى هجـري!!
همست بخوف وبرهبه طفل يطلب وهـو خجـلان..=اخاف ان خاطري يكسر ومن هو يجبـره كسـري!!
اموت بطيفك العابر واضمـك داخـل الوجـدان..=سراج في دربي الموحش تضـوي الليـل يابـدري!!
خيالك دوم قدامي واشوفـك تسكـن الاعيـان..=اغني لك قصايد حب واضمـك لادنـى فجـري!!
واكرر ايه انا احبك وحبـك ساكـن الوجـدان..=عساك تقدر شعوري وتقتـل هـم فـي صـدري!! [/POEM]
اشــــــعار/
المغرم اليائس00
محمد بن حميد الذيابي00