كـان السهـر طربان والليل مكسوف --- وكان الحكي مـن شفتينك أغاني
في الليلة اللي بدرها صابه اخسوف --- كنتي هديه للسما والمواني
طرتي مكانه وأقبل الغيم ملهـوف --- يبي يضمك بس نورك أناني
وأنا مثل هالغيم من حولك آطوف --- بغيت أضمك بـس عيا زماني
حبيبتي والليـل شماعـة طيوف --- عـليه علّقت الأمـل والأماني
أتذكرك والبرد ووشاحك الصوف --- كم كنت محتاجك وكم كنت أعاني
وأتذكرك والحيرة تحايل الخوف --- كم كنت خايف لا يقـصّر حناني
كنتي وأنا والعشق والجو محفـوف --- ما زاد عـنا غـير صمت المباني