هذه القصيده القاها الشاعر حميد حمدان الرشيدي في حفلة منظمة عبس في دولة الكويت الشقيقه ... واحببت ان اجلبها لكم كما اتمنى ان تنال على استحسانكم .
على الوعد جيت الكويت الحبيبه = وصباح للشعب الكيوتي أبوّه
اخوان مريم طيب وإلا غصيبه = آل الصباح الحب والعز هوّه
وبني رشيد الحق مافيه ريبه = دون الكويت الموت على كفوّه
ومن ثم شاركت الرجال العريبه = في حفل عبس الشعر ينساق جوّه
ولم الشمل قوه وعزه وهيبه = والشمل عز وعبس للشمل قوّه
في كل دور لعبس سيره عجيبه = أسياد شيمه فوق رمز المروّه
مجد ٍ سرى ليله وصبحه يجيبه = ومنين ماوقف وعبس بعلوّه
كل ٍ يشرّف والسعد من نصيبه = منذ الازل والمجد في عبس توّه
واكبر فخر جمع البعيد بقريبه = روح التكاتف بارقه شق نوّه
لذا ماهي على الرشيدي غريبه = المجد ساسه والفخر في سموّه
تحت مظلة عبس الاخ وصحيبه = آسف لا والله كلبوهم اخوّه
عز لبعض وقت الظروف الصعيبه = وياسعد عين اللي ربوعه حموّه
من شرق شمس المجد حتى مغيبه = بني رشيد بكل دوله عنوّه
ومن جمع الشمل الله انه يثيبه = وترى الزعامه للذي شب ضوّه
ومد اليدين وساق من حر جيبه = حر ٍ وعنده كل هدّه جروّه
وصحيح مايخفى العقول اللبيبه = لكن على ماقيل حبيت انوّه
وشكرا لكم حب وكرامه وطيبه = وصباح للشعب الخليجي أبوه
حميد حمدان الرشيدي