]
البارحه الساعه ثلاث اخر الليل = وانا تحت ( كبري طريق الثمامه)
جوا" مكتم مع طرف برد بالـحيل = وانا انكتمت بكتمتن من كتامه
وجني همومي سارياتن تقل خـيل = تحوفني حوف الحنش للعدامه
همن بليا راس يوجد ولا ذيـل = وهمن معه جنحان مـثل الحمامه
وهمن يخم النفس ويشيلها شــيل = وهمن يهديها بلطف وكرامه
ودورتلي رجال بين الرجاجيل = كفوا يشاركني بدفع الغرامه
رجال من رجال ماهو رجـيجيل = ما يشك في ولا يشح بطعامه
ولاشفت بالساحه رجاالن فطاحيل = ولا يرفعون اليا ادبر الوقت هامه
ساعة سبرت اغوالهم بالدرابيل = واعزتلي والله لمنهو حـزامـه
اهل غدا والم وضحك وتعاليل = واهل هدف لحظات ومع السـلامه
ومجاملات وحش باللقال واللقيـل = هذاك وش سوى وهذا عـلامه
مثل ابناخلي بليلة غرابيــل = علي غلط وبان عيب الخمامه
كلمه بلا داعي ولابغى محااصيل = منها ولكن نطقته الرخامه
وليا زهف في كلمته بارد الحيـل = قام يتهاون فيك خلك كعامه
وافصخ جنابه مثل فصخ السراويل= وطشه مثل طش اللبكت باللقمامه
وقدره على ماقيل تحت الزرابـيل = خله يولي لارحم الله عظـامه
ولا بالثعالب غير حبك المحاييل = ويفشل عملها نوب جرذي عدامه
[وتلقى التهرب للكلاااب المجاعيل = ولابد من بعد التهرب ندامه
مشكور اخوي سلطان على النقل الجميل والرائع والله يعطيك الف عافية