[تركي بن سعد]

اقتباس من مشاركة نايف سليمان " ليـــــال الـعــشــــق " رددي ياليال العشق نبرة شجونــــــــــي = واضربيلي سلام الرتبه العسكــريــه ماتعلقـت فيه الاّبكلــــف عيـــونــــــــــي = بالسهر لن مثله صعب يرفق عليــه مايجيبه لو ارسلت اله شايب جنــونـــي = قصتي مثل بن عامر مع العامـريــــه كيف شال القساوه طرف خرس ٍ حنوني = كل مالد يمي دقت السامـــــريــــــــه كم طويت الليالي والحبايــب طوونـــــي = وكم جمعت الورود وكوّنت مزهريــه كم تحديتهم في حبهم واهــــزمـــونــــي = ياكثر ماانهزمت بنظرة ٍ عــاطـفــيــه كم طلبت الحنان وعكسها كــــم كوونـي = كيف تكوي بن آدم وردة ٍ نرجسيــــه كم تذكرتهم ذكرى وياكم نســـــونـــــــي = كم حفظت الهدايا وضيعولي هـديـــه كم كتبت القصايد وانصتو واسمـعـونــي = ليلة ٍ في حياتي تعتبـر عسجــديـــــه آه كم ليلة ٍ من عصرها شرفـــــونــــــي = ولانوادع بها الاّ الشمس بالكون حيه وآه كم ليلة ٍ مع فجرها ودعــــــونـــــي = آتقلب على فراشي وافـــــرّك يـديـــه ان طلبت الجماعه أشرهو واتــركـونـي = وان كشفت السراير زادو الجرح فيه وان شكيت لقرايب عاتبو واحرجـونــي = اثر مابه جمال الاّ يضحي ضـــحـيــــه صوتي ياليال الصيف لآخر لــحـونــــي = واضربيلي سلام ٍ يشبه اقوى تـحـيــه هيجني لي قصايد دامهم ماارحمونـــي = عادت الشعر وقت الضيق ينجد خويه بقلم / محمدمعيوف الرشيدي . 21/2/1420هـ .

بيض الله وجهك يانايف سليمان ع نقل هالرائعه
صح لسان الشاعر الرائع محمد معيوف
قصيده جميله قراءتها اكثر من مره سجل اعجابي
وتقبل مروري