أرقبك ياخلن لك الحب والبوح
السلام عليكم ورحمة الله وبركاته
مساء الخير أرجو كل من قرأ هذه القصيدة أن يقول رأيه فيها
أثر المحبه حزن وأمرار وجروح=وأثرك ياقلبي صويب ونهابه
نهبك من زينه على كل مملوح=في شوف عيني فرق قاع وسحابه
بشرحلك الحاله ياخلي ومسموح=من يوم حبيتك ليوم الكتابه
ماغير أعدي بالرجل عالي الصوح=وأشرف على المشراف مثل الذيابه
أرقبك ياخلن لك الحب والبوح=أسج مع ذكراك وأجهل جوابه
ماغير أجاذب ونتي دمع مع نوح=عليك ياغرون ذبحني غيابه
مالك ورى المجروح يازين مصلوح=أقرب لخلي بس يقرب عذابه
حبك بوسط القلب ماهو على لوح=ليش الصدود وليش كل الحرابه
من يوم فرقاكم من الهم مطروح=وأشوف دربك مثل قوس الربابه
نقضت جرحن ياهوى البال مدموح=من شوف عينك قلبي زاد أتهابه
ناديتلك فالضيق والصوت مبحوح=يابنت رجالن عزيزن جنابه
هاذي علومي قشر والخط مشروح=وأنتي دوايه ياعلاج الاصابه
آخر تعديل بواسطة ذيبان الرشيدي ، 28-11-2008 الساعة 10:51 PM.
|