[عبدالله مذكرالعويمري]

قصيده اعجبتني وآمل لن تعجبكم

[poem="font="Simplified Arabic,4,black,normal,normal" bkcolor="transparent" bkimage="images/backgrounds/55.gif" border="none,4,gray" type=0 line=0 align=center use=ex num="0,black""]
أنـا بليـت بحبكـم مـن هبالـي=وإلا أنت ظلٍ مالنـا فيـه منـزال
حبك لغيري والشقا والعنـا لـي=والمشكله اني عارفٍ كل الأحـوال
ارمي بروحي في بحرك الزلالـي=وتنسفني أمواجك على يابس الجال
اسأل فراشي كيف اقضي الليالـي=بالليل لي حالٍ ومعكم لـي احـوال
من خوفي الشمات يشمت بحالـي=ويكثر علي من العدا القيل والقـال
وابعدت خلانـي وجيتـك لحالـي=وفرشت قلبي لك مقـرٍ ومدهـال
ويوم ابعدن حبالهم عـن حبالـي=ودريته انك عندنـا غالـي المـال
ابديت عقب الحب صافي الجفا لي=وخليتني محتار في اشهب الـلال
نصيت ربٍ عالـم مـا جـرا لـي=ما حط دون الخلق حاجب ومرسال
ومنحني السلوان عـال الجلالـي=وقصر علي الليل من عقب ما طال
واليوم ترسل لي وتبدي الوفاء لي=وتبدي لي اعذارٍ قصيرات وطوال
تبي تجدد ما انقطع مـن وصالـي=وتبدي من الفتنه لي الوان واشكال
تردني في حالي اللي مضـى لـي=ترضي غرورك بس ياحسن الاقبال
[/poem]

منــــــــقــــــــــــــــول

الموضوع الأصلي: حبك لغيري والشقا والعنا لي | | الكاتب: عبدالله مذكرالعويمري | | المصدر: شبكة بني عبس