السلام عليكم ورحمة الله وبركاته ...
تحيه طيبه وبعد ...
بعد انقطاع بسيط احببت ان اضع هذه القصيده التي تمت صياغتها
حينما شرفني اخي وزميلي سعد الفلاح بزيارته لي في ديواني
وهي لا تفيه حقه فهو رمز الكرامه ومنبع الأخلاق الحميده
انما هي محاوله بسيطه
ارجو ان تنال اعجابكم
اترككم مع الأبيات المتواضعه ...
هــلا يا مرحبا بأبن الفلاحي = عدد ما بالسحابه برق لاحي
هلا يامرحبا مليار مره = وعدد ماهل ودان ورياحي
هلا باللي يشرفنا حضوره = بشوفه ريح مسك وعود فاحي
صميدع وافي ٍ بالخير طاغي = على العدوان في ضرب الرماحي
الا يالسبع يالحر المبجل = عداك تذوق من سم ٍ ذحاحي
جبال طويق طاحت من شموخك = ولبست المرجله لبس الوشاحي
ترى شوفك يسر القلب ياللي = اليامن غبت زادت بي جراحي
هلا يامرحبا بأبن الفلاحي = وقصوري بان واطلبك السماحي