عرض مشاركة مفردة
  رقم المشاركة : [ 8  ]
قديم 20-11-2008, 09:23 AM
ناصر خنيفر
مــراقب عام الساحات الشعريه
الصورة الشخصية لـ ناصر خنيفر
رقم العضوية : 556
تاريخ التسجيل : 25 / 11 / 2006
عدد المشاركات : 11,224
قوة السمعة : 30

ناصر خنيفر بدأ يبرز
غير متواجد
 
الافتراضي

اقتباس من مشاركة ناصر الشويلعي

أيليكم هذه الابيات مهداه للعمده
ابو تركي ناصر خنيفر

سريت مسرى الذئب في ليلة الدجى=جيعان ضامي هاجد له عزيب
لكن حدوه البدو عن مايريده=ويدير في عينه قطيع الذهيب
وعود يجر عواه في حد لابه=على شحمة بطنه يجر القنيب
وافلس بليله ماحد ٍينسريبها=اخطاء العشاء وهو بالامثال ذيب
وانا وردت العد بالدلو والرشاء=وحول رشايه والدلو بالقليب
وعودت من عد الروى اليوم ضامي=والحظ يخطي نوب ونوب ٍيصيب
دنياك ضربة حظ ياجاهل ٍبها=احد ٍيصيب بها والاخر يخيب
وانا الذي درست في مدرستها=وانا الذي شيبة قبل المشيب
يابن خنيفر ماعليها حسوفه=انا من جروح الزمن مستصيب
لوشفتني اضحك واسولف واغني=تراي منها يابو تركي عطيب
وانته مجرب زينها مع شينها=كم قربت بعيد وبعدت في قريب
واليوم علمي جاك وافطن العلمي=فك الرموز المبهمه ياللبيب
ساير رجال العرف في منطوقها=لانك مجرب والمجرب أديب
واسلم سلمت ودمت في كل حزه=وراع التجارب مايعارضه الطبيب

والسلام



جاك الرد وانا اخو هههههه

حي البيوت اللي بداء فيها اديبها=ماومت ذعاذيع الهواء بعسيب
ترحيبن احلا من لبن شمخ الذرى= وطيب من الريحان فاخر طيب
وحلا من الماء لالمس كبد ظامي=في وقت قيض ٍ مع سموم لهيب
واحلا من الغند المصفا بذوقه=لامزج طعمه مع حليب النيب
من بعد هذا زان رد المثايل= على الهلالي واللحن غريب
حديت شردهامثل ماتحدا النضا=فرسان قومٍ باللقا ماتهيب
وخذت نبذه من طرايف صديقي=اللي بها علم ٍ وقاف صعيب
يشكي من الدنيا وكلٍ شكاها= من دورنا حتى النبي شعيب
مانته بالاول ولانت الاخر فيها = ولا نت الوحيد اليي شكا التعذيب
وانكان بالاثمال قصدك تعسر= اللي موخر يابو خالد جيب
هوليه تكسر في توال النشايد=من ماقدر عسف القوافي عيب
اما الرموز اللي ذكر صاحب المثل= ماشفت رمز وغيب ماعلم غيب
هذا الهلالي كان تغبا الهلالي= اللي على دور الشجاع كليب
وسلم وسامحني ليا شفت زله=ولا يدخلك بالرد شك وريب


Facebook Twitter