يا محرر الصفحه ترى منت ماجـور=باللي عملت اعدمت سمعـة جريـده
الشعر لـه وزن ومعانـي وجمهـور=يميـزون الشاعـر اللـي يجـيـده
شاعرك يمكن يطلع الصبح مشهـور=لكن ماهـو الشاعـر اللـي تريـده
حطيت له صوره تحت خمسة اسطور=تمدح بها الشاعـر وتمـدح قصيـده
اعـوذ بالله منـك ياشاهـد الـزور=وينك ووين اهـل الوفـاء والعقيـده
ياللي تحط السرج في غارب الثـور=وتقول مثل اللـي كضـم بالحديـده
منته على اللي صار مرغم ومجبـور=وللعلـم فعلـك ينقصـه مايـزيـده
دروبـك اللـي بالقوافـي لهـم دور=انـه بليـده وانـت برضـه بليـده
الشعر كلمة علـم بالسـان دكتـور=تحتاج شـرح الهـا معانـي عديـده
فهمه على اللي مثل شرواك محضور=ماتفهمـه لـو كـل ساعـه نعيـده
والشعر موج(ن) يلتطم وسط مسجور=الـه اندفاعـه ورتــداده شـديـده
والشعـر دولـه مستقلـه ودستـور=تنهـارلامـن ماحكمـهـا ولـيـده
محمد سلمان الوهيداني