[ابو بيان]

الله من قلب همومـه غـدت بـه = مثل الهبوب اليا غدت فالقراطيس
من بين هدفات الظلوع انتحت بـه = وعزي لمن كثرت عليه الهواجيس
ان نمت من بين الحشى غادرت به = بحلـوم ليـل تلتجيهـا كوابيـس
وعلى محيطات البحور احذفت بـه = وامسي بجم ما تجيـه الغواطيـس
اهموم قلبي حبتـه واسكنـت بـه = بنت لهـا بنـي مثبـت بتاسيـس
على عشير الي بعـد قربـت بـه = ابعد لياهو بعـد لنـدن وباريـس
ما قربت سود الليالي غـدت بـه = واقفت بغض العود زين الملابيس
شمل الهوى من بيننا شتـت بـه = وردت يديني من عشيري مفاليس
جسم نحل وانهار ما فكـرت بـه =ولا حسها مثلي عليها حواسيـس
اسهر وسهري كنها ما درت بـه = يجهل عناي ابو العيون النواعيس
مدري كلام اهل الحسد صدقت بـه = اهل الحظوظ الراديات الهلابيـس
نفاقهم يوم اهرجـوه اقنعـت بـه = اللي ورى سلم المحبه جواسيـس
او رايها من عندهـا قـررت بـه = مدري تبي تكسب بهجري نواميس

للشاعر نواف منور العازمي رحمه الله عليه

الموضوع الأصلي: نواف منور العازمي | | الكاتب: ابو بيان | | المصدر: شبكة بني عبس