[عبدالله الراشد]

( حصري )

( تطـمّـن ) واطــلق افكارك وكـتّف بالرمـوش العـين=(وتعلّم) كيف ترسم درب لدموعـك الى من صِحــت
حفــنت كفــوفي لبعــدك،،وقــــمت ادعي يارب امــين=وانا مسامحك صـــادق بس انا كــذاب ماســامـحـت
وصلت حدود تفـكيرك مــن التاكــيد الى .. التخــمين=وحسيت انك مسوّي غلـــط ومن الغــــلط مارتحـت
لقيتك مع كلامي ترقــص بصـــمتك علي الحـــبلين=احسبك ماتحــب اللعـــب، وانت بظلعي ْتمرجـحـت
شطـبتك من حــــياتي شطب من وقتك ليوم الـــدين=وماهـو مغـريني الا بعـادك وهجـرك الى من رحــت
ماحـرّك ساكني شي ٍ بســيط .. وسهل ..لا (ياشـين)=ولا جيتك كود يوم اني عرفت انك معـــي ما افلحت
وانا مالي دخـل .. عـــاتب احساسي واقطعه نصين=انا تـحت امر الاحـــساس ..ان رقينا وان نزلنا تحـت
ياولِد الناس وش فــرقـــك عن الناس وعـن الباقــين=تغــــمـّض مثـــل كل الناس .. واليا فـتّحـــوا.. فـتحـت
ماهــــو ذابحني إلا يوم .. تشكـــــيني علي الثانــــين=لو انك جيتــــني اشوى من اللي وقتها ،، صارحــت
سواتك شــــــــي (متوقّّع) وهــــــذي عادة الحـــلوين=ولاعاد اشوفك بعـــــيني ..ولافــــبالي لو انــك( لِحت)
توقعـتك هــنا بقلبي ..ولا لا لا.. توقــــع ويــن؟؟=هـــــنا بليا ( محل ) لا لا هـــنا (بعــيني ولكن طـــحت)
فراقــــــك عــــيد وبـــشارة عقـــيم بطفل جا هالحين=وغـــرامك دبل كبد وضيق خلق وفـــــوق وماوضحت
وصالك طـــــــير(ن) ألتغ كل ماغـــرد ذبح طفــــــلين=وبعــدك غـــيم(ن) اطـــرم كل ماسولفت معاي انسحـت
اشوفك مثل مالــــــزيتون بعـــــيونك .. غدا لونــين=واشوف يدينك ورقـــتين (وانحـت لك وداعي نـــحت)
انا كبرت عــــقلي عـــن مصـافح طـــــيفك المسكــــين=ونفـــــضت غــبار طاريك( وغـسلتك من يدي وارتحـت)

الموضوع الأصلي: غسلتك من يدي | | الكاتب: عبدالله الراشد | | المصدر: شبكة بني عبس