الي الجوري
بيت الشعر إن وصل حامل سلاماتي
مع هبوب اللهيب الله يعدّلها
يا كيف جوّك حبيبي في المسافاتي
تمطر رزازٍ سهدْ عيني يخايلها
اسأل لان الحرارة أتغص كلماتي
وأشوف ليلي مع صبحي يحايلها
لا شفت شرق أتنفسْ من خيالاتي
ارسم خيالٍ حلو نفسي يشاغلها
أرسل سلامي و مسّي بكل حالاتي
أوجس شعورٍ سكن فيني يغازلها
خذني معاك أتبضّع اصرف أبياتي
يمكن تجف المشاعر لو اقابلها
أجمل حبيبه بعيني ترسم اشفاتي
لأني أعيش الحقايق ثم أناولها
اقرب وسيله بقلبي تبدي بسماتي
مجبور يا لايم المغروم يجاملها
هذا كلامي و يكفي الصّبر ماتي
انظر رياحٍ تشل روحي لسائلها