[غزلآن]

القلب ماباعكـ على شـان تنسـاه
لاواحسافه ليـه غبـت ونسيتـه؟




هذا جزا من متعّك فـي عطايـاه
وألا هواك أنسان غيري وهويتـه



كل مابغيت القلب ترجـع وتلقـاه
ماكان يقصّر فيك مهمـا عصيتـه



يجيك قلبي مندفع لك من أقصـاه
لامن بغيته بـأي حاجـه وجيتـه



ماكل شخصن يوصل اللي تمنـاه
وأنت بوجودي توصل اللي بغيتـه



لأجلك خسرت أنسان غالي وذكراه
تهـز قلبـي وأحتـرق لاطريتـه



هـذاك لامنـي تزاعلـت ويـاه
خليت كل النـاس ومريـت بيتـه



عّـزاه لوأنـه نسانـي وعّــزاه
يوم أتصلـت بهاتـفـه ..مالقيـتـه



أيوالله أنه غـاب وقلبـي تحـراه
وأقـول ليتـه مانسانـي وليـتـه



يذكر حبيب ٍ ضاع عمـره بليـاه
ويذكر غلاي وكل شـي ٍ عطيتـه



خليتني أنـدم علـى يـوم فرقـاه
ياليتني بعتـك ورحـت وشريتـه



القلب به همين وكل هـم مقسـاه
عذبنـي الأول والآخـر بكيـتـه



لما عشيـره راح عنّـه وخـلاه
ولما أخذت اللي تبيه .... ونسيته!

الموضوع الأصلي: القلب ماباعكـ على شـان تنسـاه | | الكاتب: غزلآن | | المصدر: شبكة بني عبس