الي الجوري
خذ الشعر مني مكاتيب واحساس
لك الغلا يلهب شعوري لهايب
وحن قصيدي بالحبر كل قرطاس
واكتب على صفحات عمري حبايب
ياخافقي كثر المخاليق اجناس
وانت الوصايف في طبوعك غرايب
مثلك/عيونك/ شوفها الزين انعاس
ذايب على رمش الحلا فيك ذايب
فيك الرشوش اللي به الطيب نسناس
مشراح في زولك بروق وسحايب
والروح يوم الضيق..له انت انفاس
بستان من صدرك..شذى فيه طايب
في صوتها بحّه وانغام واجراس
والبسمه اللي في شفاته عجايب
هي خيل تمشي والحوافر من الماس
في دبكها تسمع طبول ورهايب
وحش/ صعب/ هو عاليٍ رافع الراس
طليق في كفه كرم خير جايب
شموخ في صرخت وغى سيفها باس
ابتر بها روس العدا والخرايب
رحت ادور لك شبيهٍ مع الناس
رجعت خالي ما لها من سبايب
حاير ومدري بالفكر كل هوجاس
عجز خيالي يوصفك فيك هايب