[البدر المهاجر]

ياليتنـي ميـت ولا عينـي تـشـوف
خلي يزفونـه علـى شخـص ثانـي

طعنت غدر جتني كماطعنـت سيـوف
يوم الحبيب اختـار غيـري ونسانـي

من صدمتـي كنـي مقيـد ومكتـوف
وانااشـوف الغيـر يـاخـذ مكـانـي

وحارت على شفاتي سؤالات وحروف
ليـه الخيانـه ليـه قتـل الامـانـي

كنت احسبه خلي وفي حالـي يـروف
واثره حكـم باأعـدام حبـي وحنانـي

كنت احسبه مالـه بهالعالـم وصـوف
كنـت احسبـه وافـي ولاهوانـانـي

واثري انخدعت وراحت سنيني حسوف
وضاعت حياتي وانتهت فـي ثوانـي

وصار الحزن والهم والجرح والخوف
صارو رفاقـي يـوم خلـي رمانـي

وماتنفع الحسـره ولاصفـق الكفـوف
يامـوت ريحنـي تـرانـي اعـانـي

وياليتني محروم مـن نعمـة الشـوف
ولاأشـوف الغيـر يـاخـذ مكـانـي

الموضوع الأصلي: ياليتنـي ميـت ولا عينـي تـشـوف,,,,خلي يزفونـه علـى شخـص ثانـي | | الكاتب: البدر المهاجر | | المصدر: شبكة بني عبس