12-11-2008, 11:20 PM
|
|
اقوالنا تسطرت قول يفسره قول
ماهو لسماعها ماهو لكذابها
سطر عناوينها مسترجلات الحلول
عقالها غادرت عقولها البابها
عقالها بالهوى مستانسه والطبول
مدري الطبل جابته والا الطبل جابها
مساري الشعر زانت واعتراني فضول
ادور الضمه اللي ماعرف اعرابها
ان كان ليلي طويل فيازماني تطول
وعزوة ما تجمل ما اتعزوا بها
هيجنتها والحمول تزيد فوق الحمول
خل الدروب الرديه ماتبع اصحابها
عمر طويل قضيته في طلوع ونزول
و النفس والله ما استسلمت لاعجابها
اصبر ولاني لها بيوم تعبس عجول
متبعدٍ عن دروب البين وغرابها
ومجلس فيه مالقى للرجاله قبول
يحرم علي قعدته لو ضاقت اشنابها
احفظ لنفسي مقام ولا اعدي الاصول
واعز نفسي عن الزلات واربابها
وعن ناقلين الحكي جعلت لي ما يحول
وعن هل الزور اسد الاذن ورحابها
فكم ناقل كلمة عن ما نقلي جهول
وما نقل كملته الا يتمارى بها
ومن نقلي نقل عني اكيد الحصول
فالله يلعن هل الفتنه وطلابها
بعقلي اقيسها ما احكم بقلب زعول
وان دلهمت في مكاني اوقف ولا ارتابها
دنياه من تعجبه باكر عليه بتزول
كم معجب راحت الدنيا وما نابها
والسيف يبقى صقيل مايبدله قول
والناس باعمالها نتذكر اطيابها
|