الي من يهمه الامرعشقك ياشعر المراجل وادونك
للي على شعر المراجل عطاشا
ارتبك واحفظك من قبل اعنونك
وفيك الثمن مدفوع اجل وكاشا
يكفيني الرجال ياشعر يزبنك
واهل المعرفه عنك ماتتحاشا
فيك اتغزل واتبحر وازينك
واخذك لي سكه ونور ومعاشا
وفي كل مجلس وحدك اللي ابينك
فانت الوحيد اللي ابد ماتلاشا
الناقص اللي ما يعرفك ويطعنك
يجهل صفاتك ثم منك يتحاشا
ما يختلط معدن مشوب بمعدنك
فالمرجله لها اثمان ماهي بلاشا
فياما رجالٍ بالنظر حيل تحزنك
ماهمك الهندام لو لبس باشا
بعض الرجال اشكال لافيك لامنك
تستخسر المجلس معه والفراشا