[حادي الجبيل]

اقتباس من مشاركة ابن جحيل قصيده للشاعر الكبير سعدان عابس ياآلـه الكـون يامـولاي عـبـدك نـجّـه=في رجا الغفراان يرفع لـك يـده وحجااجـه مخلص لك فاالصـلاة وصـاام وأدى حجـه=وأستزاد أيمان فيـك وصـار لـك منهااجه أستغيـث برحمتـك يـارب لـك متـوجّـه=ياكريـمٍ بأسمـك ألسنـة المـلا لهـاّاجـه حيث كل هفوات فـي نفـس البنـاادم لجّـه=وأرتكااب الذنب ضعف النفس هو مدرااجـه ياالبنـادم بأنتظـارك يـوم مالـك هـجـه=وأنت ماتدري وش أللـي بعـد ذاك تواجـه خذ حساب الموقف أللي فيـه مالـك حجـه=غير ماضمه كتابـك ساعـة أستخرااجـه!! لاتوجـه مـع دروب البـاطـل المعـوجـه=تنطوي بأحـداث وقـت الـداج والديباجـه أستعـذ بـاالله قبـل الجـرح يكبـر فجـه=ثـم ماتقـدر تـداارك باالعـلاج عـلاجـه مـاورى زيـن الحيـااة ألا الدجـا والدجـه=مير عش للحق..وأعتش به..وشب سرااجه!! لايغـرك ماكسبـت مـن الرهـا والسـجـه=الزمن يطـوي مسافااتـك ويكتـب زااجـه كم ضميرٍ ضده أحسـاس الجسـد محتجـه=تنتهك معنـى الحيـاة أطوارهـا المنعاجـه بين حقد..وحسد..والغيره..ومعنـى الضجـه=أحتضـارٍ للصـواب وألا ضـلال هياجـه!! والبشر نصفٍ مطر والنصف الآخـر عجـه=والوجـود أبـلا تناقـض ماتزيـن أبرااجـه ياآله أغفـر ذنـوب أللـي لوجهـك وجّـه=مبصرٍ دنيـا الفنـا مـن واقـع أستنتاجـه كد خـذا العبـره وبيبـاان العبـر منهجّـه=ياآلهي منـك غفـران الذنـوب أحتاجـه!!

أخي ابن جحيل لك الشكر على النقل المميز .


قصيدة تكتب بمداد الذهب؛ حيث الحكمة المستشفة من معاني القرآن الكريم ، والآداب الإسلامية .