العام كانوا على العد أهلها قاطنين=واليوم جفت عدود القوم وبيارها
العام يارد عليها فوق مية قطين=واليوم ورادها تعميه بغبارها
يا رشود؟ يا عزوتي وش حل بالظاعنين=قلي علام النشاما قصرت أشبارها
يا رشود تكبر صغيرة من يدين الظنين=وش عاد لو هو تحسف عقب مأختارها
يا رشود ليت المنايا تترك الطيبين=تأخذ رخوم البرايا وتترك خيارها
يا رشود عقبك كضيم الغيض دايم حزين=وفعل اليدين الكسيرة طعن جبارها
يا رشود مشيتها وفاتت على الغافلين=لو إن رمايها محكم بي عيارها
ولو ما هو لجدي السابع من الوارثين؟=أسرجت خيل النقاء لين يعرف كارها
لكن لا جت من يسارك؟ ما تعزاء اليمين=وأكبر غباء سطوة اليمنى على يسارها
ويا عزوتي؟ بلغ اليسرى بلاغ مبين=اللي خلقها يسار...أدرى بمقدارها.
رثاء/كهل الصباء