على كثر الكلام وكثر ماقبل الكلام جروح
سكت وما لقيت الكلمتين اللي على بالي
اخاف ان قلتها وان قلتها وان قلتها بوضوح
توسدني ملامات الرفيق وشرهة الغالي
كذوبه يالهجوس اللي على بالي تجي وتروح
بغيت ازين ذراعها واستريح ولا تهيا لي
ورحت اتلي شتاتي واترجا صوتي المبحوح
تموج بي الدروب ومسند كفي على ضلالي
عسى مانتي رجايا يابروق في سماي تلوح
يشرهبنيرعدها والضما بالصدر همالي
نقلت جروح ما أعرفها بقلب مرهف مجروح
تنطحت البياض وسود الله وجه عذالي
ولو طالت بي الحروه وبانت للملام شبوح
نهض شوفي جنحانه واستبان المرقب العالي
ولو خانه الشفق مره ومره طيره المذبوح
بقا وكره على جباه النجوم المرقبه خالي
يسامحني رفيق كل ماخطى قلت له مسموح
نعلى كبر الهقاوي من رفيقي مرخي حبالي
ماهو بـ ذنب الكفوف اللي شذاها بالجميل يفوح
الى من صافحت بعض الردى في بعض الاحوالي
ماهو بـ ذنب الوفا والنيه البيضا وطيب الروح
وانا ثوب الجماله مالبسته جرد وسمالي
على كثر الكلام وكثر غيضي مانويت ابوح
عساها ماتعود الكلمتين اللي على بالي