اشتقت انا ياداعـج العين لدفاك....ذكراك في قلبي وربي حمــاها
واشتقت للضحكه على مبسمــك ذاك....اللي ُمنى نفسي شفاهه ومـاها
اذكرك واذكر يوم كفي بيمنــاك....واذكر عيونك يوم دمعك طماها
تقول انا عمري من اليوم يفـداك...وعيني بلا شوفك يجيها عــماها
من وقتها خليت قلبي لمرعــــاك....وخليت غيرك ارض وانته سماها
هجرت والهجران للقلب فتّـــــاك...لوتدري إن النفس بُعدك دمـاها
مرت سنيني كل يوم اترجـــــاك ....ترحم حياتي يوم سهمك رماها
سنين عدت كل لحظه اتمنــــــاك...تعطف على روحي وتروي ضــماها
وترحم خفوقي يوم ماعاد يســـلاك..."اعطيتك انا النفس عطني كماها"