والله يالولا ثم لولا ولولا=اني لخليها على كيف ماريد
لاكن هذولا موقفينن هذولا =وصار الطريق اليوم كله حواسيد
واليابغيت اجيك دونك يحولا =ناسآ تقل معهم علينا مواعيد
ويمشون ويقولون قال ويقولا =ويكثرون اعلوم من غير تأكيد
وانا ترى يالعذب رجلا خجولا =اخشى كلام الناس وخشى المناقيد
واخشى من اللي مامعاهم عقولا =ومحاش قلبه صار بفمه كما الديد
وايضآ لاياسولف يحط الحمولا =وسوالفه تلقابها ذم اجاويد
لاكن ترى قلبي لفكري دلولا =وماضاع عن فكري ترى القلب له قيد
ولا اسمع والاطاوع لعذل العذولا =ومهما يزيد القول قاسآ كما الحيد
ولاتحسبني عنك ادور بدولا =والله مالي شف غيرك من الصيد
ومهما حصل مهما افراقك يطولا =ما رايح انسى عهد ماضي ضحى العيد
يابو عيونآ سود تزها الكحولا =خلك على عهدآ مضى اوبعد زيد
ولا تستمع لعلوم ناس نذولا =ناس ترى يسعو لنا بتناكيد
خلك معي بقسى الشدايد صمولا =حتى نشيد قصر الاحباب تشييد
ولازم تجينا بعرض والا بطولا =ونحدد الخطة لما نريد تحديد
ونجول في ريضان حب ونصولا =ونسكن ضواحي الخد والنهد والجيد
ونفرش ونتلحف جديل مهلولا =اسود تقل ليلا كساء قايد الغيد
ولولا الحيا ء لتخض اهلها الخيولا =ومن اجلها لنكرر الغزو ونعيد
ونطلع لهم فوقآ وننزل نزولا =حتى نجردهم من العزم تجريد
لاكن حيانا ردنا للا اصولا =بشيمة عرب ويزيدنا الطيب تمجيد
ولولا الحياء اللي زاد ثقلي ثقولا =لحط فوق احمد حميدان وحميد
حتى يجي ذولا غنايم لذولا =وان سكن اصحاب الفللا جرهد البيد
ونسكن مساكنهم وذيك الفلولا=ونبرد بذيك الفلل حلو تبريد
لاكن شيمنا علمتنا نقولا =زيد الوفاء لاهل الوفاء والصناديد
وختامها والله يالولا ولولا =اني لامشيها على كيف ماريد
حتى هذولا يساعدون لهذولا =في زرع دربي ورد بعد الحواسيد
=الشاعر / ابوجمال ابن جحيل