بسم الله الرحمن الرحيم
محاورة ذات طابع خاص تميزت بلاولويات في شبكة عبس منتديات قبائل
بني رشيد حضور جماهيري مشرف شعراء شخصيات تفاعل اكتمل بروعة
ابداع شعراء القلطة .
لقاء مميز جمع الشاعر عبدالله الاشرم والشاعر رشيد الزلامي كانت
المره الاولى للشاعر رشيد الزلامي في المنتديات .
كان ذلك بتاريخ 21/3/1428هجري
اترككم مع المحاورة بعد التنيسق
الاشرم
في منتدى عبس قوماً قاومت كل قوم=عبس الذي يحكي التاريخ بافعالها
قم يالزلامي زعيم الشعر عطنا العلوم=اعلومك اللي نفسرها ونصحالها
الزلامي
في ساعة للدفاع وساعةً للهجوم=تواجه الناس والدنيا هذا حالها
لعل من طاح في ميدانها ما يقوم=هاذي علومي وحللها يا حلالها
الاشرم
مابين حب الدقون وبين حب الخشوم=كم دلتاً طاح دون الشيخ فنجالها
ما يطيح يا ابو جميل الا ردي العلوم= لاجاء نهار المواقف تعرف ارجالها
الزلامي
الجو ما هو بصافي والسماء فيه حوم=طيور معرف طبايعها ولا اشكالها
تابعتها لين وصلت للقمر والنجوم=الشيخ قدامها والخبل يبرالها
الاشرم
ما زعزعتنا طيوراً ما تسد اللزوم=لو حلقت بالفضاء تجفل من ظلالها
هذا زمان الطيور البرق حمر الزقوم=تسرح وتمرح وفال الله ولا فالها
الزلامي
الاوله ما ورها الا الشقاء والهموم= والثانيه عمها يشهد على خالها
كثرت ذنوبك لكن الله غفوراً رحوم=ياللي جمعت الذنوب وجيت مشتالها
الاشرم
الاوله وزعوها موزعين القسوم=والثانيه ورطت الشركه بعمالها
المذنب اللي خذى حق النشما القروم=اللي خزاعه عليه اتوصي عيالها
لزيارة احداث المحاورة المباشرة
اضغط هنامع خالص التحية والتقدير
اخوكم
عيد بن عبيد