هذه محاوره بين مدرسة المحاوره شاعر عبس عيد بن مربح والشاعر نواف العازمي .
نواف العازمي
يا عيد انت في رأسك علوم وسواليف***ولـكــن مــــال الـحـمــل مــنــا ومــنــا
ياليتك تحل الوضع يا معزب الضيف***وبـكـره تــروح المشكـلـة عــن وطـنـا
عيد مربح
تقوله بعد عيت تجيلك على الكيف***ليـا وسـوس الرجـال ونـدق وغـنـا
ليا صار ما تقـدر تعـد المشاريـف***ياليتـك جلسـت بمجلسـك مـا تعـنـا
نواف العازمي
أقوله وانا ادري بالحقيقة من الزيف***ولا صابنـا وسـواس مـن يــوم كـنـا
ليـا صـاروا العقـال مثـل الملاقـيـف***عزلنا ضعنكم مـا مشـى مـع ضعنـا
عيد مربح
لا ضاقت على بعض الرجال المحاريف***ضربـنـا الـخـطـوط الـواسـعـة وأوسـعـنـا
يـــا نـــواف لا تـثــر عـلـيـك السـوالـيـف***لـيـا ضـفـت تلـقـى زادنــا فـــي صـحـنـا
نواف العازمي
وأقول العلوم الكايده والمواقيف***تزين وتشين ولا لهـا غيـر حنـا
لـو إنـا نبيهـا تالـع النـار باليـف***حسبنا حساب المشكلة مـا ومنـا
عيد مربح
ينوض السحاب ويمطر الوسم والصيف ***وعـقــب الـمـحـول فيـاضـنـا يخـضـرنـا
ترانـي علـى مـا فــات مـالـي تحاسـيـف***وبـعـض العـلـوم الـعـوج مــا زعـزعـنـا
نواف العازمي
أنا أشوف مبداها عجاج وعواصيف***لكـن الخطـا يـا عـيـد مــا هــو بمـنـا