بـسـم الله الرحـمـن الرحـيـم
اخي العميد اسمع هذا الرد المتواضع
اما ناصر مرسال منت ناصر مرسال
واوجودي وجد من والـف ولا وفـق وليفـه
==صك دونه باب ياس ولا لقى دربـن يدلـه
سر غيب وحال دونه سلـة اجبالـن محيفـه
==تزبن الذيب بعشـاه وبلقوايـل تستضلـه
ولعـه ربـي بحيـن شايفلـه فيـه شيفـه
==وهبت الله عند خلقه غير دل النـاس دلـه
بعـد ماقـرت عيونـه وراة الايـام طيـفـه
==دوره في زحمت الدنيا واضاع الخـل خلـه
والزمن يجمع ويفرق والجسـد تاليـه جيفـه
==مقتفيه الموت والموت غـل العمـر غلـه
والدلايل جابهـا فجـا نحـر بكـر وعسيفـه
==يوم طلة مع ثنايا الريع طلـه غيـر طلـه
نصها كلـه غـزال ونصهـا الثانـي نحيفـه
==كان ماتشبه سيوف الحرب تشبه للاهلـه
حرة المجنى عربيـه ومـن عصـر الخليفـه
==بنت ريمان المسمـى بالحلايـا والجبلـه
ماتجنا هـا ضعيـف ولا تكسبهـا هـد يفـه
==في ذرا قومن قبل عدوهـا ياصـل تصلـه
لكن اسمعني ياراعيها تـرى الدنيـا وضيفـه
==كان ماتاخذ حقوقك غصب هل الدمع هلـه
وانت غصنك لو يجور الوقت ويمرك خريفـه
==ماسقط منك الورق لو يثني الغصن ويفلـه
واعترف لك بالصحيفه كا ماجبـت الصحيفـه
==فوقها غاب الدقاق من القصيد وجبت جلـه
شفني بطاروق عيسى متابع بيوتـك ظريفـه
==لا قريت البيت اهز الـراس واقـول الله الله
لكن ارجـع يمنـا وديارنـا خظـراء مريفـه
==قربنا عز ومقـام وبعدنـا حـزن ومذلـه
وابشرني بنتظارك واذا معـك اميـل اضيفـه
==والممازح جاهزلـه والمبـارز جاهزلـه
ون رفضت وعفتنا مـن عافنـا لازم نعيفـه
==ماخلقنا الله نعيش الـذل ببسـاط المذلـه
[/CENTER][/QUOTE]
ياسلام عليك يالمهم اشهد انك شاعر متمكن وراعي معنى حاولت اختار بيت وبيتين ولكن جمال القصيده اجبرني على نسخهاكاملة مجاراة جميلة تتضمن النصائح والعتاب ..اتوقع لك مستقبل باهر ايها المهم تحياتي لك وللشاعر العذب صاحب القصيده
