ذهب لكن نزل سعـرك التقليـد والنصـاب =وتسويقك بسوقٍ يزتحـم غشـم وحراميـة
وتاييد المنافـق بالعمـل ومجامـل الكـذاب =وماسـواه راع النيتـيـن بـراعـي النـيـة
وصمت الصامت اللي ماب نابه وسط ناب الداب =وبسمات الشفاء اللي ظنهـا الجاهـل طبيعيـة
هذا هو السبب كانك تحب ايضاح للاسبـاب =نزولـك سببـه وضـع العلامـات التجاريـة
لكن ان الرجاء باللي يعرف يسوي الهنـداب =ليـا قيمـك فاقـة نسبتـك تسعيـن بالمـيـة
ماهو باللي رقص للعندليب وفايـزه وعتـاب =على هذا العمل ماهـو علـى هذا ولا ذيـة
حضر للقوم جسمه لكن ان اللي بجسمه غاب =بشرلكـن مـن عـرض الاداوات الموسيقيـة
الا يا الله ياللي تقبل التوبه مـن اللـي تـاب =تعيـن اللـي تسـر افعالهـم ماهـي دعائيـة
تعين اللي عملهم يوفي الطالب مـن الطـلاب =لهم وقفات تورد مضمي الميـه علـى الميـة
المقدااد