وإليكم بعض ماقيل بسبب هذه الحادثة
ما دام وصْلت ( للحى ) والشوارب
والله لاكرّم لحيتي .. واحتميها
تعليمنا خايس .. وفاشل .. وخايب
وكلمة معلم صرت ما عاد أبيها
لا صارت الحصة هواش .. وطلايب
ما عاد به من فايدة نرتجيها
إما لقيت اللازمة عند شايب
عند المراهق لا تدّور عليها
إسمع كلامي .. كان ما هو بصايب
حتى حياتك بالسعد تهتنيها
فلّ الحجاج .. ودامه الوقت طايب
طنّش دوامك .. حصتك لا تجيها
وإذا حضرت .. تكون حاضر .. وغايب
والفصل حفلة .. وانت معزوم فيها
وإذا بدى ( نتف اللحى ) .. والشوارب
انحش .. وخل المدرسة كل أبيها