لاجيت ابرقد تل فكري هواجيـس =
ويزوم في صدري من الهم زايــــــم
احسب ذنوبي وارد الوساويـــس =
واصوت لحظ له سنين نايــــــــــــــم
وافكر بحالي وحال المفاليــــس =
اللي غزو ولا رجعوا بالغنايــــــــــــم
عاشوا بها الدنيا ولا عبوا الكيس =
المال عز الرجل والفقر ظايـــــــــم
ويهزني شوق العيون النواعيـس =
ولو انها ساقت على الظلايــــــــــــم
اليا ابعدت ليلى بكى بعدها قيـس =
وعنتر بعد عبله يذوق الهزايـــــــــم
ازريت اسجل قصتي بالقراطيس =
اشقق القرطاس وارميه دايـــــــــــم
ابني قصور كنها قصور بلقيــس =
واصحى واعاين في قصوري هدايم
اصبحت مثل اللي يشعل فوانيس =
تطفي اذا هبت عليها النسايـــــــــــم