[الاجهر]

	بديت بسم اللـي بـالأرزاق كفـال وأعوذ به من شر كـل المخاليـق ومن بعد ذكره زان تعبير الأمثـال شاعر وأسلي خاطري بالطواريـق بنات فكري جاوبن صـوت مـوال ايصفقن لشـرد الأفكـار تصفيـق للفتـل نقاضـه وللعقـد حــلاّل وللشعـر نقـاده وللنـص تعليـق أسند على الطيّب ليا حـدك الجـال عون الرّفيق بيوم ينشف به الرّيق دايـم وبيتـه للمشاكيـل مدهـال يضحك حجاجه للوجيـه المطاليـق من طيب ساسه مـا تغيّـرولا زال عن الطّمـان بعاليـات الشّواهيـق وألا الرّدي من عادته كثر الأقـوال ماينفعك لأحتجت له ساعة الضّيـق ليا بخصته ما يجـي ربـع مثقـال قطرة ندى فوق الغصون المواريق على الرّدي من حالك الليل تفصال وألا على الطيّب بياض الغرانيـق عساه مـا بيقـى بقيّـه للأنـذال واللي بقى مالـه بدنيـاه توفيـق ليـا بـلاك الله بعاقـه وبـطّـال أقرب قريب وخان فيـك المواثيـق أبعد وتلقى بالسّعـه راحـة البـال الله خلق فيهـا وسـاع المناتيـق بدّل ردي الحظ فـي طيّـب الفـال لا تشيل هم ملفّق الحكـي تلفيـق لا تحمّل الشّرهه على غير رجّـال ثوب الرّدى في مثل شرواه مايليق للطيّبـه بالسـوق قيـمـه ودلاّل اعرف خراجك وافرق السّوم تفريق أودّعك عن رفقـة مجمّـع المـال اللي لغابيبه تقـل جنـب بطريـق احذر تحطّه ذخر في بعض الأحوال تموت وأنت بسكرة الغبن ما تفيق ما قل دل ويسمج الهـرج لا طـال الصّمت تشفير القفـول المغاليـق تمّت وأصلّي كثر مـا هـل همّـال على نبيّ (ن) وثّق الحـق توثيـق مشكور ابو محمد وبيض الله وجهك ياعطيب المظاريب واهديلك هذه القصيدة المختارة مع اجمل تحياتي