ياطيب حظي كان أنا حلـم دنيـاك
يا اللي تقول اني امانـك وخوفـك
تحبنـي؟ ادري حكالـي محيـاك
رعشة يدينك وارتباكـة حروفـك
ياللي الوفا هو بعض اصغر مزاياك
حملـي ثقيـل ووافيـاتٍ كتوفـك
تشيل همي دوم كنـي أنـا إيـاك
صارت ظروفي مو ظروفي ظروفك
ان جيت ابحكي عن بهاك وسجاياك
كيف أوفي اخلاقك وباهر وصوفك
وان جيت ألاقي لك خطايا خطاياك
أطيب قلوب الأرض ساكن بجوفـك
وشلون مااحبك وهـذي سوايـاك؟
وشلون مااهديك عمري فـكفوفـك
ياقلب قلبـي وش حياتـي بليـاك
تسلم عيوني دامها هـي تشوفـك