من باعني برخيص .. برخيص بعته
وانا دعيت الله وعاكست ممشاك
والله رزقني خير وانا شكرته
مر الزمان وجيت تحسبني ابغاك
ياكيف يطيق قلبك شخص قتلته
اربع سنين بمر فرقاك
واليوم ترجع وين امسك تركته
يلعن ابوه اليوم لي فيه شفناك
ياليت ما شفتك ولا اسمك عرفته
رح للذي عني مع الوقت ألهاك
ولا جفاك وانته بالحب صنته
شوف الغدر في دنيتك وين وداك
والله براسك من بعد ما رفعته
خل الندم يهواك ويدوم وياك
مدام بابه انته اللي طرقته
دام الخطا منك تحمل خطاياك
كمل طريقك روح دامك تبعته
ماباك ترجاني ولا تقول افداك
انسى الوفي الذي بزيفك خدعته
ما عدت بك راضي وماعدت انا ذاك
اذا طلبته نفذ اللي طلبته
اذرف دموعك زيد يالله ما احلاك
لا ما عذرتك بس دمعك عذرته
انا محيتك من حياتي وذكراك
ولعت فيها حتى طيفك حرقته
لا تحسب انه الحب برعاك
حبك رميته من خفوقي ودعسته
الأرض جفت والشجر يرتجي ماه
شلي جرالك ليش وصلك قطعته