ماكنت اصدق فيك من كثر الاعجاب .. يومك تساوي عندي الكون كله
كنت القريب وكلهم كانو اغراب .. حتى القمر لاغاب شفتك محله
سو اللي براسك ولاتذكر اسباب .. لاصرت بايعني توكل على الله
مابيني وبينك مشاريه وعتاب .. شف دربك اللي جيت منه تدله
ماراح تغلبني ولو الحب غلاب .. من حضرتك؟ عشان قلبي تذله
في ذمتي لجعلك عبره للأحباب .. لين الخل يتوب عن جرح خله
زلاتك اللي مانفع فيها احساب .. لاجيت اعددهن ثمانين زله
احرجتني بين القرايب والأحباب .. كن الجفا سيفن بوجهي تسله
خلاص لاترجع ترا خاطري طاب .. مابي طاري اللي كنت عايش بظله