مافيه مجـرم يستحـق العقوبـات
الا اذا كـانـت علـيـه الأدلــه
والا انت ما يحتاج نفتـح ملفـات
حتى السوالف مـع جنابـك مملـه
ماينطح الصعبـة قليـل المـروات
خل الكلام بداخـل الصـدر خلـه
احيان اقول اعالج الامـر بسكـات
لـولاك تحسبهـا قصـور ومذلـة
مال السفيه أن جاتبه بعض الازمات
وأردف ورى الـزلـة 80 زلــة
ألا أنك تجّنـب جميـع المسافـات
لاصار لك ملـة ولـه غيـر ملـة
ان جاك ماخطيت في صدر الابيات
حطـه علـى نهـجٍ بديتـه وفلـه
اليا انعكس لك صورة العام بالذات
( شد الرحال ودرب عمك تتدلـه)
ولا الامور الثانية راحت اوجـات
اليـوم كـلا منعـمً فـي محـلـه
لاسمي عليّه حقً أوفيـه واقتـات
لاداعـب انسـام الهبايـب بحلـه
لديت للي بـه رسـوم وعلامـات
للطيب والطيـب اكتسابـه جبلـه
نسيتـه بمحيـاة شوفتـك بالـذات
وخل الكلام بداخل الصـدر خلـه