عمرك طلبت أي شي مني ولا جاك
عمرك بغيت أي شي منى وعصيتك
انا اللـذي قلبـه يـودك ويبغـاك
انا اللذي بعت الجميـع وشريتـك
اتبعك وامشي معك وافرح لممشاك
ومن دون لدري اليا تركتك نصيتك
ضحيت في دنياي لجلك ولرضـاك
حطيت كل الكون خلفـي وخذيتـك
اشوف نفسي فيك وافرح لطريـاك
ماهو لجـل حاجـه لانّـى بغيتـك
انت الوحيد اللي خفوقـي تمنـاك
وكل الذي تبغـاه منـى عطيتـك
واليوم ماتت ضحكتي في زوايـاك
سليت سيفـك ليتنـي مارجيتـك
طعنتني في سيف غـدرك بيمنـاك
لا وخسـاره ليتنـي ماهويـتـك
ياليت كان ارتـاح قلبـي بفرقـاك
ومن ويوم شفتك ليت ماكنت جيتك
رح بطريقك صّـد قلبـي وخـلاك
رح بطريقك من حياتـي طويتـك
ماعاد ابي ودك وقربـك ولا مـاك
مثلك مثل أي شي مّـر ونسيتـك