يوم انها جتني على غير ميعاد
فرحت من قلبي فرح ماله احدود
فرحت فوأدي عدة اعوام تزداد
ماهو غلا في عدة ايام محدود
غلا محبتنا على روس الاشهاد
ياعارفين الحب خلوكم اشهود
هذا الاكيد وخلو العلم ينقاد
ماهمني لاعلم ناقد ومنقود
اعرف دروب الحب يابنت الاجواد
ماني غشيم(ن)فالمحبه ومطرود
درب المحبه ماعشق غير صياد
واشهد شهاده منك انا صرت مصيود
ماهو خساره يالغضي غض الانهاد
لو صرت في حبك مكبل ومقيود
راضي بحكم القيد ماحب الابعاد
راضي بحكم القيد لو كنت مضهود
عشان تعرف قدر حبك بالاسياد
وتشوف قدر الحب مع كل معبود
اخذ الحقيقه شوفتك عندي اعياد
احساس صادق فرحتي مالها احدود