إفتراق الأيدي وقطْـع الأواصـر
غربةٍ .. مابعدها بتشوف غُرْبـه
والله ان الحب في الوقت المُعاصر
عيّش العشّاق في ضيقه وكُرْبـه
الهوى زعزع حكومات وقياصـر
جنّته فالسِّلْم تشبه نـار حرْبـه
والمحب انْ مالقى دعم ومُناصر
والله الاّ يروح من يومه فْشُرْبـه
أربعة أشهر وانا قلبي مُحاصـر
في رِجا خلّي واكون انّي بقُرْبـه
لكن الله ما كتب .. والحظ قاصر
إفترقنا .. وكلّ منّـا راح درْبـه
واشترك بفراقنا عـدّة عناصـر
أشهد انّ المال والعذّال .. ضَرْبه
كنّه البيرق وانا الفرعون ناصـر
أجْدر الشعّار فيه .. ولا ظفرْ بـه