ياهاجسي ماجيت وشعلمك ابطيت
شهرين اعدي للطويله وخايل
لالاحلي برقك ولاوحيت لك صيت
ولالي علي نضم القصيده وسايل
الهاجس الي لاحضر باول البيت
وقامت غصون الشعر صوبي تمايل
لفيت راسي للبعيده وغنيت
وصبت علي مزون شعري همايل
قمت اتفنن بالقصايد علي الويت
ولانقي الا من خيار الجزايل
تعبت من كلمت لعله وياليت
وتعبت اسب الحظ واقول مايل
وتعبت الهي دمعتي بالتناهيت
وانا اتناسي الهم واقول زايل
واضحك وانا من داخلي ماتشافيت
وانا ادري غير الصبر مالي بدايل
حملت حمل الوقت لين اني ازريت
اثقل علي قلبي من جبال حايل
صبت لي الايام مر وتقهويت
وانا اشرب الفنجال واقول هايل
الضيقه الي مشغلتني ولا مسيت
بسبابها شفت العنا والهوايل
ياهاجسي لاجيت صدفه ومريت
هات الفريد وخل عنك الهزايل