بكيت وإنهلت دموعي من العين
واسقت خدودي والحزن محتويني
طرى لي اللي فاقده منذ عامين
حالت ظروف الوقت بينه وبيني
تزورني ذكراه حين بعد حين
وأزورها من لوعتي كل حيني
أقلب أوجاعي على حد سكين
وأكتّم أوجاعي لجل ما تبيني
يا ليتني ما قد عرفته من اسنين
وإلا عرفته جاحد ما يبيني
يمكن تخف اللوعة شوي وتلين
وإلا تخفف في خفوقي حنيني
لكن رضع منها الوفا للوفيين
درت عليه العام يومه جنيني
هي منبع العفة وهي شيخة الزين
وهي قمة الرقة وهي نور عيني
يا شوق عيني له من العام والحين
ليت الظروف اللي تحده تليني
إن قلت أبدله قالت النفس من وين
الناس تدله والدله ما يجيني