ما تاتي الدنيـــا على الرغبــات يادمث الجنــاب
يومٍ تجيــــك بخيرهـــا ويومٍ تجيــــك بشرهـــا
تلقى من الدنيـــا التعب ولا على الدنيا عتـــاب
ومن غـــرّهـــا ما غرّته ومن غرّته ماغــرّهــا
ما طاب قلب اللي يهمّ الها ويحسب الها حساب
ولا قــــام حظ اللي يراقبهـــا ويتبع جـــرِّهـــا
تطرد ولا تلحق وعينـــك ما تشوف الا السـراب
غيرك جمد من بردهـــا وانته تناوش حرهـــــا
غير ادع بالدعوه عسى ربك يفجّ ابها السحاب
والا اقضب الشلفا شبـا واذا طعنت فـ جُرّهـــا