ياهاجسي هات العلوم المبداه###من عادتي لامن دعيتك تجيني
الرجل لامن زل يلحقه مشراه###هذا المثل باقي طوال السنيني
ياعبس ياأهل المرجله وأهل الجاه###ياأهل الحرابه حين كرب البطيني
أهل الكرم وأهل السيوف المحناه###الضيف حقه عندكم بالبديني
يامزبنين اللي مشا الوقت بعداه###ياللي لكم سطوه وحرزن مكيني
رجالكم لاصاح فالقوم فواه###وصغيركم ثابت بعقلن رزيني
مانلتفت للساقطه والمداراه###ونقوم قومه واحده بالسنيني
واليوم في حكم الملك راعي الجاه###ابن السعود معدل الملتويني
يالله ياربي تحفظه وترعاه###لولاه كنا في يدين اللعيني